Давронбек Сатторов Андижон вилояти ҳокимининг туризм, маданият, маданий мерос ва оммавий коммуникациялар масалалари бўйича ўринбосари этиб тайинланди. Бу ҳақда вилоят ҳокимлиги матбуот хизмати хабар берди.
Тайинловга қадар у Пахтаобод тумани ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари вазифасида фаолият олиб борган.
Андижон вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари лавозимида 2024 йил 15 январдан буён Жасурбек Парпиев ишлаб келаётганди. Ундан аввал бу лавозимда Азизхон Маҳсумов фаолият юритган.
24 январь куни Улуғбек Раҳимов Андижон вилояти ҳокимининг қишлоқ ва сув хўжалиги масалалари бўйича ўринбосари — вилоят қишлоқ хўжалиги бошқармаси бошлиғи вазифасини бажарувчи этиб тайинланганди. Ушбу лавозимда ишлаб келган Авазбек Эргашев 2024 йилнинг 27 декабрида вафот этганди.
Изоҳ (0)