Австриянинг Вена шаҳрида 10 июнь куни Ўзбекистон энергетика вазири Жўрабек Мирзамаҳмудов Халқаро атом энергияси агентлиги (МАGATE) бош директори Рафаэл Grossи билан учрашув ўтказди. Бу ҳақда Энергетика вазирлиги матбуот хизмати хабар берди.
Унда Ўзбекистонда атом энергиясидан тинчлик мақсадларида фойдаланишнинг барча жиҳатлари бўйича МАГАТЭ билан яқиндан ҳамкорлик қилинаётгани алоҳида таъкидланди.
Мулоқотда шунингдек, ушбу йўналишдаги ҳамкорликни изчил давом эттириш масалалари муҳокама қилинди.
“Халқаро атом энергияси агентлиги мамлакатда атом энергетикасини, жумладан, кичик модулли реакторларни жорий этиш бўйича ўз режаларини амалга оширишида Ўзбекистонни қўллаб-қувватлашга тайёр. Бугун Ўзбекистон энергетика вазири Жўрабек Мирзамаҳмудовни МАGATEда кўриб турганимдан мамнунман”, – деб ёзиб қолдирди агентлик бош директори Рафаэл Grossи Х тармоғида.
Изоҳ (0)