Турк сериаллари нафақат сюжети ва актёрлар маҳорати билан, балки юракка етиб борадиган мусиқалари билан ҳам томошабинлар қалбидан жой олган. Қуйида барчага таниш бўлган энг машҳур 8 та турк сериалларда янграган қўшиқларни эсга оламиз, уларни тинглашингиз билан дарҳол экрандаги унутилмас саҳналар кўз олдингизда жонланади.
Таркан — “Паре Паре” (“Қуёшни кутиб” сериалидан)
Тарканнинг барча қўшиқлари болалигимизни эслатади, чунки хонанда бутун дунёга машҳур, илк марта турк тилида куйлаган қўшиқчи бўлган. Унинг ўзига хос овози ва мусиқаси, айниқса, актёр Керем Бурсин иштирок этган “Қуёшни кутиб” сериалидаги кадрларда янграганда, кўплаб хотира ва ҳиссиётларни ёдга солади.
Ениден Башлар — “Гулдияр Танридағли” (“Қўрғон сирлари” сериалидан)
Мазкур трек сериалнинг энг ғамгин қисмларида янграйди. Сейран ва Ферит ўртасидаги ҳар бир жанжал, уларнинг ҳар бир ажралиши ва юракка оғир ботган сўзлари айнан шу мусиқа фонида тасвирланади.
Атакан Илгаздағ — “Анка Кушу” (“Олис шаҳар” сериалидан)
“Олис шаҳар” сериалининг рейтинги пасайса ҳам етакчиликни бошқа лойиҳага бўшатиб бермагани таажжубланарли эмас. Қудратли уруғ ва бошқа дунёга мансуб аёл ҳақидаги анъанавий турк ҳикояси оддий бўлиб туюлиши мумкин, бироқ Мадридан ва Мидят шаҳарларининг мафтункорлиги, ажойиб тарзда танланган актёрлар ўз ишини аъло даражада бажарди. Сериалдаги ҳар бир куй шу қадар маҳорат билан танланганки, томошабинлар ҳақиқатан ҳам воқеаларни қаҳрамонлар билан бирга яшай бошлайди, лойиҳа мусиқасини турк композитори Атакан Илгаздағ басталаган.
Эcе Ўлчер ва Серкан Ўлжер — “Кавга Довуш (“Қизил шарбат” сериалидан)
Яна бир ажойиб қўшиқ 2022 йилдан бошлаб барча турк сериаллари мухлисларига таниш бўлиб қолган. Бу мусиқа “Қизил шарбат” сериали учун композиторлар Эже ва Серкан Ўлжер томонидан ёзилган бўлиб, қалбни таъсирлантиради. Айнан шу мусиқа остида бош қаҳрамон биринчи мавсум охирида, Фатиҳнинг хиёнатини исботловчи далилларни тақдим этади. Шу мусиқа остида эса Нурсема биринчи никоҳидан кейин нималар рўй берганини айтиб беради.
Толан Шоу — “Голд” (“Қалбим эшигини қоқ” сериалидан)
Муҳаббат ҳақида таъсирли ва жуда романтик қўшиқ Серкан ва Эданинг севги ҳикоясига айланган. Унинг муаллифи турк эмас, америкалик Толан Шоудир.
Belkи — “Дедублуман” (“Севги изтироби”, “Қўрғон сирлари”, “Олис шаҳар”, “Қизил шарбат” ва бошқалар)
Ушбу қўшиқни турк сериаллари оламида энг таниқли қўшиқ дейиш мумкин, чунки у деярли ҳар бир сериалда янграйди — трекда ёлғон туфайли поймол бўлган муҳаббат ҳақида куйланади. Агар бош қаҳрамонлардан бири хато қилса, иккинчи кишининг драматик тарзда кетиши одатда “Дедублуман” композицияси билан бирга намойиш этилади.
Нил Караибраҳимгил — “Канатларим Вар Руҳумда” (“Оқим” ва бошқа сериаллардан)
Бу қўшиқ ҳам турк сериалларида тез-тез фойдаланила. Қўшиқ биринчи марта 2014 йилда “Эйлулнинг кичик муаммоси” фильмида янграган, унда бош ролларни Энгин Акюрек ва Фараҳ Зейнеп Абдуллаҳ ижро этган. Кейинчалик трек Серанай Сарикая ва Чағатай Улусой иштирокидаги “Оқим” сериалида куйланган.
Жем Ўгет — “Эркенжи Куш Женерик Сўзлу” (“Тўрғай” сериалидан)
Ёзги композиция Жем Ўгет томонидан махсус “Тўрғай” лойиҳаси учун басталанган. Бир оз вақт ўтгач эса ушбу мусиқа “Фи, Чи, Пи”, “Бевафо” ва “Оролдаги эртак” каби лойиҳалар безагига айланди.
Изоҳ (0)