Ўзбекистон самолёт ва авиакомпаниялар сони бўйича МДҲ мамлакатлари орасида учинчи ўринни эгаллади. Бу ҳақда ранкинг.кз хабар берди.
2025 йилнинг 6 май ҳолатига кўра, МДҲ мамлакатларида 96 та авиакомпания ва 1 100 га яқин самолёт мавжуд. Россия 39 та авиакомпания ва 748 та самолёт билан етакчи бўлиб қолмоқда. Ўзининг 12 та авиакомпаниялари билан Ўзбекистон иккинчи ўринда турибди. Самолётлар сони (93 та) бўйича эса учинчи ўринни қайд этган. Қозоғистонда 98 та самолёт ва 10 та авиакомпания мавжуд бўлиб, мамлакат ҳаво ташувчилари сони бўйича МДҲда учинчи, ҳаво кемалари сони бўйича эса иккинчи ўринда турибди.
Шу жумладан:
- Қирғизистонда 9 та авиакомпания ва 21 та самолёт
- Украинада 8 та авиакомпания ва 22 та самолёт
- Молдовада 6 та авиакомпания ва 15 та самолёт
- Арманистонда 5 та авиакомпания ва 13 та самолёт
- Озарбайжонда 2 та авиакомпания ва 42 та самолёт
- Туркманистонда 2 та авиакомпания 18 та самолёт
- Беларусда 2 та авиакомпания ва 15 та самолёт
- Тожикистонда 1 та авиакомпания 6 та самолёт мавжуд.
Изоҳ (0)