Тошкентда 20 ёшли талаба каналда чўкиб, вафот этди. Бу ҳақда Бош прокуратура матбуот хизмати раҳбари Ҳаёт Шамсутдинов хабар қилди.
Жаҳон тиллари университетининг 3-босқич талабаси бўлган, 2004 йилда туғилган М.I. 19 июнь куни соат тахминан 12:10 ларда икки курсдоши билан чўмилиш мақсадида Бўрижар каналига келган. Яккасарой тумани, Юнус Ражабий кўчаси томонидан сувга тушган талаба сув оқими тезлиги ҳамда совуқ бўлгани сабабли сузиб чиқолмасдан чўкиб, оқиб кетган.
Тошкент шаҳар ФВБ қутқарувчи ғаввослар гуруҳи томонидан олиб борилган тезкор-қидирув чора-тадбирлари натижасида, М.I.нинг жасади шу куни соат тахминан 15:00 ларда Чилонзор тумани, Бешёғоч кўчасида жойлашган “Тошкент Гидроэлектрстанциялари”, “Буржар” 4-ГЭС ҳудудидан аниқланиб, олиб чиқилган.
Вафот этган йигит Сурхондарё вилояти, Денов туманидан бўлиб, Жаҳон тиллари университети ётоқхонасида яшаб келган.
Ҳозирда ҳолат юзасидан прокуратура томонидан терговга қадар текширув ҳаракатлари олиб борилмоқда.
Шу йилнинг апрелида Бўрижар каналига уч киши: 35 ёшли аёл ва унинг 5 ёшли ўғли ҳамда уларни қутқармоқчи бўлган 43 ёшли эркак чўкиб кетганди. Она-бола Россия фуқароси, уларни қутқариш илинжида ҳалок бўлган эркак эса Хитой фуқароси эди.
Изоҳ (0)