Сирдарё вилояти Гулистон шаҳридаги сув ҳайдаш насос станциясида уч киши заҳарланди. Бу ҳақда “Ўзсувтаъминот” ахборот хизмати раҳбари хабар берди.
Қайд этилишича, “Боғишамол” МФЙ Гулистон кўчасида жойлашган 5-оқова сув ҳайдаш насос станциясидан соат 10:00 да вилоят фавқулодда вазиятлар бошқармасига тезкор мурожаат келиб тушган. Унга кўра, мазкур объектда “Сирдарё сув таъминоти” АЖ Гулистон шаҳар филиалининг уч нафар ходимларида номаълум заҳарланиш ҳолати кузатилган ва аҳволи оғирлашган.
Вилоят сув таъминоти корхонаси масъуллари, вилоят фавқулодда вазиятлар бошқармаси ҳамда тегишли ҳуқуқ-тартибот идоралари масъулларидан ташкил этилган тезкор гуруҳ ўрганишлари натижасида ҳозирда ходимлардан бири — Ҳ.И. вафот этгани, қолган икки нафар ходим — З.Б. ва Х.А. вилоят касалхонаси жонлантириш бўлимига ётқизилгани аниқланди.
Уларнинг аҳволи ўта оғирлиги қайд этилмоқда.
Айни пайтда ҳолат юзасидан тегишли идоралар томонидан ўрганиш ишлари олиб борилмоқда.
Изоҳ (0)