Тошкент шаҳрида автобус урилган бекат йўловчини босиб қолди. Бу ҳақда “Миллар” дастурида хабар берилди.
Маълум бўлишича, воқеа пойтахтдаги бекатларнинг бирида содир бўлган. Бекат автобус урилиши оқибатида синиб тушган. Жабрланувчи йигит ҳайдовчи ухлаб қолиб, бекатни бузиб ўтганини айтмоқда. Шунингдек, ҳодиса оқибатида боши ёрилганини таъкидлаган.
“Ким ёрдам кўрсатганини, тўғриси, билмайман. Эмаклаб бекат ичидан чиқиб олдим. Болалар келиб қонни артишди, сув беришди ва тез ёрдам чақиришди”, дейди йигит.
Самарқандда автобус ва юк машинаси иштирокида ЙТҲ содир бўлган эди. Ҳодиса оқибатида жароҳатланганлар туман тиббиёт бирлашмасига етказилган.
Тошкентда йўловчилар автобус ҳаракатига халақит берган машина ҳайдовчисини “самосуд” қилган эди.
Изоҳ (0)