ЮНЕСКО Бутунжаҳон мероси дастлабки рўйхатига киритилган “Намуна” ва “Ҳасти Имом” тарихий маҳаллаларида арт-резиденциялар тантанали очилиш маросими бўлди.
“Бу Тошкентнинг маданий меросини асраб-авайлаш ва ижодий муҳитини ривожлантириш йўлидаги муҳим қадамдир” , деб ёзди унда иштирок этган Саида Мирзиёева.
Лойиҳа Ўзбекистоннинг барча ҳудудлари ҳамда бошқа мамлакатларнинг ижодкор ва ҳунармандларини қўллаб-қувватлашга қаратилган. Арт-резиденция тажриба алмашиш, маданиятлараро мулоқот ва қўшма лойиҳаларни амалга ошириш платформасига айланади.
-z6gNHGcv.jpg)
-nC4Zk5az.jpg)
-XEa0wOfw.jpg)
2022 йил февраль ойи бошларида Тошкент шаҳридаги маҳаллалар ЮНЕСКО нинг Бутунжаҳон маданий мероси дастлабки рўйхатига киритилгани тўғрисида хабар берилганди. Маълум қилинишича, Эски шаҳар маҳаллалари маданий қатламларини сақлаб қолиш бўйича дастлабки қадамлар 2019 йилда Венеция архитектура Биенналесида тақдим этилган “Маҳалла: шаҳар ва қишлоқ ҳаёти” лойиҳаси ишлаб чиқилганда амалга оширилган. Маҳаллалар халқаро экспертлар томонидан экоархитектурани тиклаш, замонавий шаҳарларни оммавий урбанизациядан асраш, шунингдек, ижтимоий қадриятлар ва жамоавийликни сақлаб қолиш усули сифатида эътироф этилган.
Ўша йили Ўзбекистон Маданият ва санъатни ривожлантириш жамғармаси Тошкентнинг Эски шаҳар ҳудудида арт-резиденциялар яратиш ташаббуси билан чиқди. Ўзбекистон ва чет элликлар ичун ижодий масканни ташкил этиш бўйича Тошкентнинг Олмазор туманида жойлашган иккита объект танлаб олинди.
Изоҳ (0)