Ижтимоий тармоқларда “Боғча опа томонидан бола калтакланиб, қўлига игна тиқилди” сарлавҳаси остида видео тарқалди. Мазкур ҳолат болалар омбудсмани томонидан назоратга олинди.
Аниқланишича, видеодаги ҳолат 2023 йилнинг ноябрь ойида Гурлан тумани, 23-сонли боғчада содир этилган. Ушбу боғчада тарбиячи бўлиб ишловчи Ф.С. боғча тарбияланувчилари М.Х., Т.Ш. (2018 йилда туғилган ўғил болалар)нинг гўёки бир-бири билан уришгани важи билан қўпол муносабатда бўлган ва болалар юзига бир неча бор тарсаки туширган. Бу ҳолат видеотасвирга тушган.
Ушбу ҳолатни, шунингдек, боланинг қўлига игна қай тарзда кирганини аниқлаш юзасидан ҳозирда Гурлан тумани ИИБ томонидан терговга қадар текширув ҳаракатлари олиб борилмоқда.
Хоразм вилояти Мактабгача ва мактаб таълими бошқармаси матбуот хизматининг билдиришича, ҳолатни ўрганиш мақсадида ишчи гуруҳ шакллантирилди. Ўрганиш ишлари якунига етгач қўшимча маълумот берилади.
Изоҳ (0)