Ўзбекистон ва Тожикистонда пиёзнинг улгуржи нархлари рекорд даражда пастлади. Бу ҳақда EastFruit портали хабар берди.
Портал маълумотларига кўра, улгуржи бозорда янги пиёзнинг бир килограмми 10 сентдан 20 сентгача туради. Мутахассислар мазкур сабзавотнинг бир тоннасини 100 долларга сотиб олиш мумкинлигини айтмоқда.
Бу нарх юқори сифатли, сараланган ва қадоқланган маҳсулотлар учун. Фермерлар даладан жўнатилган маҳсулот учун ундан ҳам камроқ пул олади, — дейилади хабарда.
Мутахассислар Ўзбекистон ва Тожикистонда эрта пиёзнинг юқори ҳосилини башорат қилмоқда, бу эса ушбу маҳсулот нархининг ошишига йўл қолдирмайди. Май ойи ўрталарида пиёз нархи барқарорлашиши кутилмоқда.
Жорий йилнинг январь—март ойларида Ўзбекистондан қарийб 26 миллион долларлик 103 минг тонна пиёз экспорт қилинди. Ўтган йилги маълумотлар Ўзбекистондан пиёз экспорти йил давомида сезиларли даражада — 18,3 баробар ошганини кўрсатади.
Изоҳ (0)