Наманганда 7 ёшли қизни зўрлаганликда айбланаётган эркак қамоққа олинганди. Вилоят ИИБ ҳолат юзасидан қўшимча маълумот берди.
68 ёшли эркак Б.И. дастлаб 7 ёшли қизга бузуқ ҳаракатлар қилганликда гумонланиб, 5 апрель куни Жиноят кодексининг 129-моддаси 1-қисми (16 ёшга тўлмаган шахсга нисбатан уятсиз-бузуқ ҳаракатлар қилиш) билан жиноят иши қўзғатилганди.
1 май куни жиноят иши Жиноят кодексининг 119-моддаси (жинсий эҳтиёжни зўрлик ишлатиб ғайритабиий усулда қондириш) 4-қисми билан қайта малакаланди ва айбланувчига қамоқ эҳтиёт чораси қўлланди.
Ижтимоий тармоқларда эркакнинг бошқа қизларга нисбатан ҳам шу каби ҳолатларни содир этгани ҳақида хабарлар тарқалди. Вилоят ИИБ матбуот хизматининг билдиришича, айбланувчини бошқа шахсларга нисбатан ҳам шу каби ҳолатларни содир этган ёки этмагани тергов ҳаракатлари доирасида ўрганилмоқда.
ИИБ мазкур жиноят иши бўйича айбланувчи ички ишлар ҳамда прокуратура органларига алоқадор эмаслигини ҳамда бу маълумотлар асоссиз эканини қўшимча қилди.
Изоҳ (0)