Наманганда эркак 7 яшар қизчага уятсиз ҳаракатлар қилганликда гумонланиб, жиноят иши қўзғатилди. Бу ҳақда Болалар омбудсмани хабар берди.
Маълум қилинишича, Янги Наманган туманида яшовчи аёл Ф.О. ички ишлар органларига мутрожаат қилиб, унда 27 март куни вояга етмаган қизи (2017 йилда туғилган) Ж.С. кўчада ўртоқлари билан ўйнаб юрган вақтида шу ердан ўтиб кетаётган эркак И.Б. қизни ўз автомашинасига чиқариб, унга уятсиз бузуқ ҳаракатлар қилганини билдирган.
Ушбу воқеа юзасидан 5 апрель куни Наманган шаҳар ИИО ТБ томонидан И.Б.га нисбатан Жиноят кодексининг 129-моддаси 1-қисми (16 ёшга тўлмаган шахсга нисбатан уятсиз-бузуқ ҳаракатлар қилиш) билан жиноят иши қўзғатилди. Ҳозирга тергов ҳаракатлари олиб борилмоқда.
Болалар омбудсмани мазкур ҳолатни ўз кузатувига олди.
Изоҳ (0)