Ўзбекистонга 2024 йилнинг январь-март ойларида жами 1 млн 519,3 минг нафар чет эл фуқаролари туристик мақсадларда ташриф буюрган. Бу ҳақда Статистика агентлиги матбуот хизмати хабар берди.
Маълум қилинишича, ушбу кўрсаткич 2023 йилнинг мос даври билан солиштирилганда 31,7 минг нафарга ёки 2,1 фоизга ошган.
2024 йилнинг январь-март ойларида Ўзбекистонга туристик мақсадларда келган чет эл фуқароларининг мамлакатлар кесимида сони қуйидагича:
- Тожикистон — 536,5 минг нафар;
- Қирғиз Республикаси — 442 минг нафар;
- Қозоғистон — 262,6 минг нафар;
- Россия — 134,2 минг нафар;
- Туркманистон — 31 минг нафар;
- Туркия — 21,5 минг нафар;
- Ҳиндистон — 11,6 минг нафар;
- Хитой — 10 минг нафар;
- Жанубий Корея — 7,6 минг нафар;
- Германия — 3,8 минг нафар;
- Бошқа давлатлар — 58,5 минг нафар.
Изоҳ (0)