Наманганда эркак 7 яшар қизчага уятсиз ҳаракатлар қилганликда гумонланиб, жиноят иши қўзғатилган эди. Болалар омбудсманининг хабар беришича, ушбу ҳаракатларни содир этган отахон ушланди.
Янги Наманган туманида яшовчи 68 ёшли эркак 7 ёшли қизга бузуқ ҳаракатлар қилгани учун айбланувчига нисбатан Жиноят кодексининг 129-моддаси 1-қисми билан жорий йилнинг 5 апрель куни жиноят иши қўзғатилган эди.
Дастлабки тергов давомида ўтказилган тергов ҳаракатлари натижасида жорий йилнинг 1 май куни Б.I. қилмиши Жиноят кодексининг 119-моддаси 4-қисми билан қайта малакаланди ва у процессуал тартибда ушланди. Судга киритилган илтимоснома асосида суд томонидан Б.I. га “қамоқ” эҳтиёт чораси қўлланилди.
Бугунги кунда жиноят иши юзасидан Янги Наманган туман ИИБ ҳузуридаги Тергов бошқармаси томонидан тергов ҳаракатлари олиб борилмоқда.
Қайд этилишича, Болалар омбудсмани ўз ваколатлари доирасида мазкур иш юзасидан кузатувни давом эттиради.
Изоҳ (0)