Тармоқларда Фарғона вилояти Бувайда туманида бола ўғрилари пайдо бўлгани ҳақида хабарлар тарқалди.
Унда Бувайда тумани Шўрқишлоқ маҳалласида боғчадан қайтаётган икки болани нотаниш шахслар автомобилга мажбуран ўтқазиб, ўғирлашга уринган ва қариндош аёлнинг ҳушёрлиги сабаб муаммоли ҳолат бартараф этилгани айтилган.
Мазкур ҳолат юзасидан вилоят ИИБ ахборот хизмати бошлиғи Исмоил Шарипов “Дарё”га изоҳ берди.
Хабар ўз тасдиғини топгани йўқ. Аҳолидан бундай хабарлардан нотўғри хулоса чиқариб, ваҳимага тушмасликни сўраймиз, — деди вилоят ИИБ вакили.
Қўшимча қилинишича, агар бундай ҳолатлар тасдиқланса ёки аниқланса вилоят ИИБ томонидан назоратга олиниб, айбдорга нисбатан жазо муқаррарлиги таъминланади.
Изоҳ (0)