Тошкент шаҳрида Республиканинг бошқа ҳудудлари сингари ўтказилган “Долзарб 40 кунлик” махсус профилактик тадбирлари доирасида ушланган уч кишига ҳукм ўқилди.
Маълум қилинишича, ИИББ ва бошқа ҳуқуқни муҳофаза қилувчи органлар билан ҳамкорликда пойтахт ҳудудида криминоген вазиятни яхшилаш юзасидан ўтказилган тезкор тадбирлар давомида бир нечта жиноятларни содир этган шахслар ушланиб, жиноят учун жазо муқаррарлиги принципи таъминланган.
Тошкент шаҳар ИИББ томонидан қўзғатилиб тергов қилинган жиноят иши бўйича тергов ҳаракатлари якунланиб, жиноят иши айблов хулосаси билан судга юборилган. Тошкент шаҳар судлари матбуот хизмати хабарига кўра, Жиноят ишлари бўйича Миробод тумани судининг 30 апрель кунидаги ҳукми билан 1987 йилда туғилган Сабирджанов Хасан Абдусаматович Жиноят кодексининг 277-моддаси 3-қисми “а” банди, 168-моддаси 2-қисми “б” банди билан айбли деб топилиб, тўрт йил тўққиз ой муддатга озодликдан маҳрум қилиш жазоси тайинланган.
Жиноят ишлари бўйича Миробод тумани судининг 30 апрель кунидаги ҳукмига билан 1987 йилда туғилган Сабирджанов Хусан Абдусаматович Жиноят кодексининг 277-моддаси 3-қисми “а” банди, 168-моддаси 2-қисми “б” банди билан айбли деб топилиб, тўрт йил ўн ой муддатга озодликдан маҳрум қилиш жазоси тайинланган.
Жиноят ишлари бўйича Учтепа тумани судининг 3 май кунидаги ҳукмига кўра, 1977 йилда туғилган Уразов Марат Пулатович Жиноят кодексининг 168-моддаси 3-қисми “б” банди билан айбли деб топилган. Етказилган моддий зарар тўлиқ қоплангани инобатга олиниб, иш ҳақининг 25 фоизи давлат даромади ҳисобига ушлаб қолинган ҳолда бир йил тўққиз ой йигирма етти кун муддатга ахлоқ тузатиш ишлари жазоси тайинланган.
Изоҳ (0)