Фарғонада инспектор машина капотида аёлни судраб юргани айтилган видео тарқалди. Йўл ҳаракати хавфсизлиги хизмати ҳолатни ўрганиб, тафсилотни эълон қилди.
Келтирилишича, 7 апрель куни Фарғона шаҳар С.Темур ва А.Навоий кўчалари кесишмасида Nexia-3 ва Lacetti автомобиллари иштирокида ЙТҲ содир бўлган. Йўл-патрул хизмати инспектори О.Д. Lacetti ҳайдовчиси К.П.ни Наркология диспансеридан ҳайдовчи А.Ш. бошқарувидаги Nexia-2 да олиб келаётганда, К.П.нинг танишлари машина ҳаракатига тўсқинлик қилиб, қаттиқ жисмлар билан ойналарини синдирган ва ҳайдовчи ҳамда инспекторга тан жароҳати етказишган.
Ҳайдовчи А.Ш.(рул бошқарувида ЙПХ инспектори бўлмаган) ўз ҳаётини сақлаш мақсадида транспорт воситасини ҳаракатлантирган вақтда, автомобилнинг олдига фуқаро Н.И.(аёл) чиқиб олган ва автомобиль бир оз ҳаракатланиб, тўхтаган.
Ҳолат юзасидан прокуратура органлари томонидан терговга қадар текширув ҳаракатлари олиб борилмоқда.
Тошкент шаҳрида 5 апрель куни юқори тезликда ҳаракатланган Malibu ҳайдовчиси ЙПХ ходимини “капот” устида судраб кетганди.
Изоҳ (0)