Норвегиянинг “Брюне” клуби дарвозабони Ян де Бур миллий чемпионат 1-туридаги “Буде/Глимт”га қарши баҳсда ўйиннинг энг яхши футболчи деб топилди. Қизиқарли томони шундаки, унга одатий соврин эмас, 4 қути тухум топширилди.
Норвегия Элит сериясига қайтган жамоа мавсумни мағлубият билан бошлади, аммо учрашувда учта сейв амалга оширган Ян де Бур энг яхши футболчи деб топилди.
Ян де Бур “Буде/Глимт”га қарши баҳсда “Брюне”нинг энг яхши футболчиси деб топилди ва мукофот сифатида у 4 қути тухум билан тақдирланди. Ушбу совға Steinsland & Co фермаси томонидан тақдим этилди, деб изоҳ берди клуб матбуот хизмати.
Маълумот учун, бу соврин клубнинг “фермерлар жамоаси” номи билан аталиши билан боғлиқ бўлиб, “Брюне” ўз анъаналарига содиқ қолган ҳолда футболчиларни ноодатий совғалар билан тақдирлайди.
Изоҳ (0)