Kapitalbank Ўзбекистонда биринчи бўлиб халқаро ISO/IEC 27001:2022 ва ISO/ISC 27701:2019 сертификатларини қўлга киритди. Ушбу сертификатлар банкнинг ахборот хавфсизлиги ва шахсий маълумотлар махфийлигини бошқариш бўйича юқори даражадаги ҳимояси ҳамда рискларни самарали бошқаришини тасдиқлайди.
Банк бир асрдан ортиқ вақт давомида ISO стандартлаштириш билан шуғулланиб келаётган нуфузли халқаро ташкилотлардан бири BCI Group аудитидан муваффақиятли ўтди. Замонавий халқаро стандартларнинг жорий этилиши Kapitalbankга мижозлар ва ҳамкорларнинг маълумотларини юқори даражада ҳимоя қилиш ҳамда ахборот хавфсизлиги ва махфийлик бўйича халқаро талабларга жавоб бериш имконини беради.
— Kapitalbankнинг ахборот хавфсизлиги стандартларининг халқаро даражада тан олиниши – мижозлар, ҳамкорлар ва инвесторлар ишончини янада мустаҳкамлаш йўлидаги муҳим ютуқдир. Ушбу сертификатлар банкнинг ахборот хавфсизлиги рискларини самарали бошқаришини ва маълумотларни ҳимоя қилиш учун зарур барча чора-тадбирларни амалга ошираётганини тасдиқлайди. Биз жараёнларни доимий такомиллаштириш ва мижозларимиз учун юқори даражадаги хавфсизликни таъминлашга интиламиз, деб таъкидлайди Kapitalbank бошқаруви раиси Кирилл Майевский.
ISO стандартлари ҳақида
ISO/IES 27001:2022 — ахборот хавфсизлигини бошқариш тизими (ISMS – Information Security Management System) учун талабларни белгилайдиган халқаро стандарт. Ушбу стандарт бўйича сертификат олиш ташкилотнинг ахборот хавфсизлигини таъминлашга содиқлигини ва меъёрий талабларга мувофиқлигини тасдиқлайди.
ISO/IES 27701:2019 — шахсий маълумотларни бошқариш тизими (PIMS – Personal Information Management System) учун халқаро стандарт бўлиб, у шахсий маълумотларни ҳимоя қилиш бўйича талабларнинг бажарилишини тасдиқлайди. Ушбу сертификат ахборот хавфсизлигини бошқариш (ISO/IES 27001) ва ахборот хавфсизлигини таъминлаш чораларига (ISO/IES 27002) асосланиб, шахсий маълумотларни бошқариш бўйича батафсил йўриқнома беради.
BSI Group ҳақида
British Standards Institution (BSI) — Буюк Британиянинг етакчи стандартлаштириш ташкилоти бўлиб, манфаатдор томонларнинг фикрини уйғунлаштириш ва уларнинг қабул қилинишини мувофиқлаштириш асосида халқаро стандартларни ишлаб чиқади. BSI Халқаро Стандартлаштириш Ташкилоти (ISO) нинг расмий аъзоси ҳисобланади. 100 йилдан ортиқ тарихга эга бўлган BCI миллий стандартлаштириш органидан глобал даражадаги стандартлаштириш, таълим ва сертификатлаштириш бўйича муҳим рол ўйнайдиган ташкилотга айланди. Сўнгги 10 йил ичида BSI ўз мавқеини янада мустаҳкамлаб, KPMG, First Аdvantage Supply Chain Security Division, Eurosat, NIZ Cert, Benchmark Cеrtificate (Австралия) ва Германисчер Ллойд (GLSC) каби йирик сертификатлаш компанияларини ўз таркибига қўшди.
Реклама ҳуқуқи асосида.
Изоҳ (0)