АҚШ Марказий қўмондонлиги 6 август куни Исроилга ўзининг иккита йирик эсминецини жўнатган. Бу ҳақда Al Arabiya нашри хабар берди.
Манбада айтилишида, эсминецлар Исроил ғарбига келиб ўрнашади ҳамда мудофаа кучлари таркибига қўшилади. Расмийлар жорий ҳафта давомида ҳарбий техникалар юборилиши яна давом этишини билдирган.
Ҳарбий кемаларнинг юборилишини айрим АҚШ расмийлари Ироқдаги базага жавоб сифатида баҳолаган. Олдинроқ АҚШнинг ал-Асад авиабазасига ракета ҳужуми содир этилган эди. Ҳужумда беш нафар америкалик ҳарбий хизматчи жароҳатланган.
АҚШ президенти Жо Байден 5 август куни миллий хавфсизлик гуруҳи билан Яқин Шарқдаги сўнгги воқеаларни муҳокама қилиш учун йиғилиш ўтказган. Унда эҳтимолий эскалацияга қарши туриш, Исроилни ҳимоя қилиш ҳамда Яқин Шарқдаги ҳарбий техникаларни кўпайтириш масалалари муҳокама қилинган. Ҳарбий эсминецларни юбориш масаласи ҳам ўша йиғилишда келишиб олинган бўлиши мумкин.
Бир қанча манбаларга кўра, АҚШнинг USS Cole ва USS Laboon самолётлари Уммон кўрфазидан Қизил денгизга кўчирилган. Шу билан бирга Марказий қўмондонлик (Centcоm) қирувчи самолётлар ҳамда баллистик ракетага қарши мудофаа қобилиятига эга қўшимча крейсерлар ва эсминецларни Европа ва Яқин Шарққа жойлаштириш тўғрисида буйруқ чиқарган.
АҚШ мудофаа вазири Ллойд Остин USS Abraham Linkoln ва USS Teodor Ruzvelt авиаташувчилари Яқин Шарқда мустаҳкам ўрнашгани ва жанговар ҳолатда эканини билдирган. Бу кемалар Исроилни муҳофаза қилиш ҳалқасининг бир қисми бўлиб қолиши айтилган.
Пентагон, шунингдек, Яқин Шарққа БМД тизимларини жойлаштириш ва қирувчи самолётлар эскадронини жўнатиш учун тайёргарлик кўрмоқда. Ушбу техникалар жорий ҳафта давомида етказилади.
Изоҳ (0)