Bugatti корпуси биллурдан ясалган, механизми 189 элементдан иборат, ишлаш захираси 8 кунгача етадиган 240 минг долларлик стол соати ишлаб чиқарди. Бундай соатлардан жами 99 дона ишлаб чиқариш режалаштирилган.
Bugatti компанияси ва соат ишлаб чиқариш корхонаси Jacob & Cо 2019 йилдан бери ҳамкорлик қилиб келмоқда. Ушбу ҳамкорлик доирасида аллақачон мураккаблиги жиҳатидан ҳайратланарли бўлган бир нечта қўл соатлари яратилган, аммо Calandre (француз тилидан таржима қилинганда — “радиатор панжараси”) деб номланган янгилик учун Jacob & Cо бу сафар бошқа форматни танлади — у Lalique француз фирмасининг нафис биллур корпусидаги стол соатини яратди.
Дизайнерлар учун илҳом манбайи Рембрандт Бугатти томонидан яратилган рақсга тушаётган фил кўринишидаги Bugatti Typе 41 Royale бурун шакли бўлди. Соат марказида сайқалланган пўлатдан ясалган сиферблат жойлашган бўлиб, унинг шакли Bugatti учун анъанавий бўлган радиаторнинг тақасимон панжарасини эслатади. 288 қиррали қизил биллур ғилоф Jacob & Cо заргарлик уйининг қимматбаҳо тошларга ишлов беришнинг ўзига хос техникасига ишора қилади.
Изоҳ (0)