Самарқанд шаҳридаги 56-боғчада ҳар ой театр ёки цирк учун болалардан пул талаб қилинаётгани ҳақида хабарлар тарқалди.
![](/static/2024/08/27/bogъ-aHf2Ilg9.jpg)
Ҳолат вилоят Мактабгача ва мактаб таълими бўлими томонидан ўрганилди. Ўрганишлар жараёнида 56-давлат мактабгача таълим ташкилоти тарбиячиси томонидан ота-оналар гуруҳига “боғчага 15 минг сўмдан батут келади” дея хабар ёзилгани, бироқ пул йиғилмагани маълум бўлди.
Мазкур ҳолат юзасидан тарбиячига нисбатан интизомий жазо чораси қўлланилди. Шунингдек, маълумотномада ушбу ташкилотда шу кунларда ҳеч қандай театр ва ҳоказолар учун пул йиғилмагани маълум қилинган.
Аввалроқ Сурхондарё вилоятида эркак фарзанди борадиган боғча иссиқлигидан шикоят қилгач, боғчага 4 та кондиционер ўрнатилгани ҳақида хабар берилганди. Шунингдек, Бухородаги боғчада 150 бола овқатига 300 грамм гўшт солингани аниқланганди.
Изоҳ (0)