Олимпия шон-шуҳрати музейида Ўзбекистон спорт делегасиясини Париж—2024 17-ёзги Паралимпия ўйинларига тантанали кузатиш маросими бўлиб ўтди.
Сўзга чиққанлар бу галги Паралимпия ўйинларига тайёргарлик цикли аввалгиларига қараганда анча фарқли бўлганини таъкидлади.
Шунга қарамай, Президент Шавкат Мирзиёевнинг шахсан қўллаб-қувватлашлари, Паралимпия ҳаракатига қаратган алоҳида эътиборлари туфайли барча ташкилий ва тайёргарлик жараёнлари самарали ўтди.
Пара атлетчилар ёзги Паралимпия ўйинларига 65 нафар спортчи билан 113 та лисензияни қўлга киритишга муваффақ бўлди.
Бу Ўзбекистон учун Паралимпия ўйинларида иштирок этиш бўйича лисензиялар ва мусобақа иштирокчилари сони бўйича мутлоқ рекорд кўрсаткич экани алоҳида қайд этилди.
Спортчилар Паралимпия ўйинларида пара енгил атлетика, дзюдо, сузиш, пауэрлифтинг, каноэ, академик эшкак эшиш, таэквондо, ўқ отиш ва велоспорт бўйича иштирок этади.
Маросимда Ўзбекистон Республикаси Бош вазири Абдулла Арипов сўзга чиқди.
Изоҳ (0)