2024 йилги Олимпиада чемпиони, жазоирлик боксчи Иман Ҳалиф Париждаги ўйинларнинг ёпилиш маросимида ўз миллий терма жамоасининг байроқдори бўлиш имкониятидан маҳрум бўлди, деб хабар бермоқда Матч TV Associated Press агентлигига таяниб.
Дастлаб Жазоир ХОҚ 800 м масофага югуришда Олимпиада бронза медали совриндори Жамал Сежати Ҳалиф билан жуфтликда байроқдор бўлиши эълон қилинган эди. Бироқ ёпилиш маросими бошланишидан олдин боксчи Олимпия олтинини қўлга киритган гимнастикачи Кайлиа Немурсга алмаштирилди.
Маълумот учун, Халқаро бокс ассоциацияси (IBA) Ҳалифни 2023 йилги Жаҳон чемпионатида гендер тестидан ўта олмагани учун дисквалификация қилган эди.
25 ёшли Ҳалиф 66 килограммгача бўлган вазн тоифасида Олимпиада мусобақаси финалида хитойлик Янг Лиу устидан ғалаба қозонди. Финалдаги бу ғалаба Жазоирнинг аёллар бокслари тарихидаги Олимпия ўйинларидаги биринчи ғалабаси бўлди. Дастлабки жанглардан бирида италиялик боксчи Анжела Карини жазоирлик билан жанг бошланганидан 48 сония ўтиб давом этишдан бош тортган эди.
Изоҳ (0)