Ижтимоий тармоқларда қорамолларда янги касаллик учраётгани ва Андижондаги қорамол ва чорва бозорлари тозалов учун ёпилгани ҳақида хабарлар тарқалди.
Вилоят ҳокимлигининг маълум қилишича, Андижондаги қорамолларда янги касаллик тури аниқланмаган, “янги”, деб айтилаётган касаллик тури Андижондаги қорамолларда мавжуд эмас.
“Бугунги кунда вилоятимизда эпизодик вазият барқарор. Барча туман ва шаҳарларимизда штаблар ташкил қилинган бўлиб, доимий фаолият юритиб келмоқда. Бундан ташқари, бозорлар ветеринария мутахассислари томонидан назоратга олинган. Гўшт ва гўшт маҳсулотлари текширувдан ўтказилиб, истеъмолга чиқарилмоқда”, деди Андижон вилояти ветеринария ва чорвачиликни ривожлантириш бошқармаси бошлиғи Дилмурод Қаюмов.
Қўшимча қилинишича, касалликка гумон қилинган қорамоллар назоратга олиниб, таҳлил текширувлари ўтказилмоқда, унинг натижалари бўйича ахборот берилади.
Изоҳ (0)