Англияда пластик жарроҳ ҳамкасби уйига ўт қўйиб, уни пичоқлаб ўлдирмоқчи бўлгани учун 22 йил қамоқ жазосига ҳукм қилинди. Бу ҳақда Euronews хабар берди.
61 ёшли Жонатан Питер Брукс 2021 йил 14 январь куни эрта тонгда Ноттингемширдаги Грем Перкснинг уйига камуфляж кийимида, лом, бензин идишлари, гугурт ва пичоқ олиб кирган.
Брукс уйнинг биринчи қаватига бензин тўкиб чиқади, аммо уни ёқишга улгурмай, 65 ёшли Перкс уни тўхтатган. Жарроҳ яқинда нафақага чиққан ҳамкасбининг қорин қисмига пичоқ уриб, ҳаёт учун хавфли жароҳат етказган.
Брукс иш жойида интизомий муаммоларга дуч келган. У жараёнга аралашгани учун Перксга нисбатан ғазаби борлиги таъкидланган.
У апрель ойида 2 марта қотилликка уриниш, 1 марта ҳаётини хавф остига қўйиш мақсадида ўт қўйишга уриниш ва 1 марта тиғли буюмга эгалик қилишда айбланган. 9 июнь куни Бруксга камида 22 йиллик қамоқ муддат берилган.
“Брукс ҳамкасбини ўлдиришга уриниб, ўта зўравонлик ҳаракатини содир этди. Бу режалаштирилган, ҳисоб-китоб қилинган ҳужум бўлиб, унда Брукс ўзининг собиқ ҳамкасбини ўлдиришга қатъий қарор қилганини кўрсатди”, деди “Crown” прокуратураси бош прокурори ўринбосари Саманта Шаллоw.
Брукс камерани тарк этишдан бош тортгани учун видеоалоқа орқали унга жазо тайинланган. Прокурорларнинг таъкидлашича, унинг суд жараёни “ўта ғайриоддий”, чунки у барча жараёнларда иштирок этмаган. Брукснинг ҳукми 4 йиллик суд мажлислари, жумладан, нотўғри суд жараёни ва бошқа бир нечта бекор қилинган суд саналаридан кейин эълон қилинган.
Изоҳ (0)