Сурхондарёда дардига шифо излаб келган аёлга шилқимлик қилган табиб 5 суткага қамалди. Бу ҳақда “Миллар” дастурида хабар берилди.
1991 йилда туғилган фуқаро ўзининг яшаш хонадонида жабрланувчи аёлга нисбатан турли уятли сўзларни айтиб, шаҳвоний шилқимлик қилишга уринган.
Жабрланувчи аёл ушбу ҳолат юзасидан тегишли органларга мурожаат қилди. 5 декабрь куни ушбу ҳолат жиноят ишлари бўйича Қумқўрғон тумани судида кўриб чиқилди.
Ҳуқуқбузар Маъмурий жавобгарлик тўғрисидаги кодекснинг 41-1-моддасида (шаҳвоний шилқимлик қилиш) назарда тутилган ҳуқуқбузарликда айбдор деб топилиб, унга нисбатан 5 сутка маъмурий қамоқ жазоси тайинланди.
Изоҳ (0)