Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан “МАХАМ-Чирчиқ” АЖда ишлаб чиқарилган минерал ўғит маҳсулот нархларини шакллантиришда амалдаги норматив ҳужжатларга риоя этилмагани аниқланди.
Натижада маҳсулот нархлари асоссиз ошган. Минерал ўғит маҳсулотлари нархлари ўртача 10 фоиздан 15 фоизгача ошишига сабаб бўлган.
Юқоридагиларга кўра, Рақобат қўмитаси томонидан “МАХАМ-Чирчиқ” АЖга нисбатан “Рақобат тўғрисида”ги қонун талаблари бузилиши аломатлари бўйича иш қўзғатилган.
Ушбу аниқланган омиллар қишлоқ хўжалиги корхоналари (кластер, фермер, деҳқон ва бошқалар)га бевосита таъсир қилиб, қишлоқ хўжалиги маҳсулотлари нархлари ошишига олиб келиши мумкин.
Қўзғатилган иш ўрнатилган тартибда кўриб чиқилиб, қарор қабул қилингандан сўнг қўшимча ахборот берилади, — дейилади хабарда.
Аввалроқ нархларни сунъий ошириш йўли билан катта миқдорда даромад олган “Навоийазот” АЖга нисбатан чора кўрилгани тўғрисида хабар берилганди.
Изоҳ (0)