Навоий вилоятининг Хатирчи туманида 2-синф ўқувчиси автомобиль босиб кетишидан ҳалок бўлди. Ҳолат акс этган видео ижтмоий тармоқларда тарқалди.
Видеода катта тезликда ҳаракатланаётган икки автомобиль пиёдалар ўтиш жойига яқинлашганида фуқаролар йўлни кесиб ўтаётганини кўрган бўлса-да, тезликни пасайтирмагани ва уларга йўл бермаганини кўриш мумкин. Олдиндаги автомобиль ўтиб кетган, унинг тез ҳаракати таъсирида қиз йиқилиб тушган, унинг ортидан 142 километр/соат тезликда келаётган BYD Song Plus Champion уни босиб кетган.
Вилоят ЙҲХБ матбуот хизматининг хабар қилишича, воқеа 1 июль куни соат 19:20 ларда Хатирчи тумани ҳудудидан ўтган автомобиль йўлининг 127-километрида содир бўлган. Қизча йўлга тўсатдан югуриб чиққан. У олган тан жароҳатлари сабаб воқеа жойида вафот этган.
Ҳозирда ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)