Жоан Роулингнинг машҳур китоблари асосида янги сериал суратга олинмоқда. Аммо асосий ролни ижро этган Даниэль Редклифф бу сафар лойиҳада иштирок этмаслигини маълум қилди. У нафақат Гарри образига қайтишни истамаётганини, балки янги авлод актёрларига йўл беришни тўғри деб ҳисоблаётганини айтди. 
У ўн бир ёшида ушбу машҳур франшизада ёш сеҳргар ролини ижро этиб, бутун дунё миқёсида танилган эди.
“Улар ҳамма нарсани бошидан бошламоқда, шунинг учун эски Гарри ролида рол ижро этишнинг маъноси йўқ. Бу масъулият бошқа қўлга ўтганидан хурсандман, лекин шахсий равишда уни ўз қўлимга олишим керак деб ўйламайман. Уларга энг яхши тилакларимни билдираман”, — деди Редклифф.
HBО’нинг келжакдаги “Гарри Поттер” сериали Жоан Роулингнинг омон қолган бола ҳақидаги барча етти китобини қамраб олади. Бу Warner Броснинг муваффақиятли фильм сериясидан кейинги биринчи телеадаптация бўлади.
Сценарий ёзилиши июль ойида бошланган, бош ролларни Доминик Маклафлин (Гарри), Аластар Стоут (Рон) ва Арабелла Стентон (Гермиона) ижро этади. Актёрлар жамоаси тўлиқ шаклланган, жумладан Волдеморт роли ижрочиси ҳам, унинг исми ҳозирча сир сақланмоқда ва премерага яқинроқ эълон қилинади. Сериалнинг биринчи мавсуми 2027 йилда чиқади ва жами етти мавсум бўлади.
“Гарри Поттер” фильм серияси 2011 йилда тугаган, Редклифф ўшанда 22 ёшда эди. Шу вақтдан бери актёр йирик франшизалар ва блокбастерларда камроқ иштирок этиб, кўпроқ комедия лойиҳаларига эътибор қаратмоқда. Жумладан “Мўжизакорлар”, “Швейцариялик одам”, “Йўқолган шаҳар” ва “Ғаройиб Эл” каби лойиҳаларда иштирок этди.
Изоҳ (0)