Ҳато “Аякс”нинг энг қиммат 10 та трансферидан бирига айланди

Лондоннинг “Челси” клуби Нидерландиянинг “Аякс” жамоасидан ҳимоячи Йоррел Ҳатони сотиб олганини расман эълон қилди. 19 ёшли футболчи инглиз клуби билан 2032 йил ёзигача амал қиладиган узоқ муддатли шартнома имзолади.

Лондонликлар футболчини 44 миллион евро эвазига харид қилган. Transfermarkt портали маълумотларига кўра, Ҳатонинг трансфери “Аякс” тарихидаги энг қиммат сотилган футболчилар рейтингида 5-ўринни эгаллади.

Рўйхатнинг биринчи поғонасидан “Манчестер Юнайтед”нинг бразилиялик футболчиси Антони жой олди. Амстердам клуби уни 2022 йилнинг ёзида “қизил иблислар”га 95 миллион евро эвазига трансфер қилган эди. Иккинчи поғонани Фрэнки де Ёнг эгаллаган бўлса, кучли учликка Маттейс де Лигт якун ясади.

“Аякс” тарихидаги энг қиммат 10 та трансфер:

1. Антони — “Манчестер Юнайтед”га – 95 млн евро;
2. Фрэнки де Йонг — “Барселона”га – 86 млн евро;
3. Маттейс де Лигт — “Ювентус”га – 85,5 млн евро;
4. Лисандро Мартинес — “Манчестер Юнайтед”га – 57,4 млн евро;
5. Ёррел Ҳато — “Челси”га – 44,2 млн евро;
6. Муҳаммад Қуддус — “Вест Ҳэм”га – 43 млн евро;
7. Давинсон Санчес — “Тоттенҳэм”га – 42 млн евро;
8. Юрриен Тимбер — “Арсенал”га – 40 млн евро;
9. Ҳаким Зиеш — “Челси”га – 40 млн евро;
10. Донни ван де Бек — “Манчестер Юнайтед”га – 39 млн евро.