Самолётда ҳеч бўлмаса бир марта парвоз қилган ҳар бир одам деярли шуни пайқаган: йўловчи салонидаги ўриндиқлар аксарият ҳолларда кўк рангда бўлади. Теngri Travel авиакомпаниялар ва самолёт ишлаб чиқарувчилари нега айнан шу рангни танлашларини аниқлашга қарор қилди.
Нега айнан кўк ранг танланади?
Ранг психологияси соҳасидаги тадқиқотлар, жумладан, Springer Nature нашрида чоп этилган маълумотларга кўра, кўк ранг ишончлилик, малака ва хотиржамлик билан боғлиқ. Маркетингда у кўпинча “хавфсиз бренд” қиёфасини шакллантириш учун ишлатилади. Айнан шу хусусиятлар кўк рангни йўловчи салонлари интерерида мукаммал ечим сифатида қўлланилади. Айниқса, узоқ парвозлардаги ташвиш ва чарчоқни камайтириш мақсадида зарур ҳисобланади.
Boeing дизайнерларининг сўзларига кўра, салонлардаги ранглар, шакллар ва ёритиш элементлари йўловчининг психологик қулайлиги ҳисобга олинган ҳолда танланади. Кўк ва кўкимтир-яшил соялар деярли ҳар доим тинчлик ва хотиржамлик билан боғланади. Бу, айниқса, баландликда ва ёпиқ жойда бўлаётган йўловчилар учун жуда муҳим.
Яна нимага эътибор берилади?
Ранглар инсоннинг фазони қандай қабул қилишига ҳам таъсир қилади. Ёрқин ва оч ранглар фазони кенгроқ, енгилроқ ва ёруғроқ қилади. Дизайнер Виржиния Триппнинг тушунтиришича, эгри сиртларга тушаётган ёруғлик бўшлиқ ҳиссини кучайтиради ва одамни янада хотиржам қилади. Бу ҳолат мулойим кўк ранглар билан уйғунлашганда, фазо янада кенгроқдек туюлади.
Delft технология университети томонидан ўтказилган тадқиқотлар шуни кўрсатдики, қулайлик фақат ўриндиққа эмас, балки бир нечта омилларга — шовқин, тебраниш, ҳарорат, ёритиш ва фазога боғлиқ. Олимлар айнан ўриндиқнинг элементи — орқа суянчиқлари, ёстиқлари, олд қатор билан оралиқ — жисмоний ва психологик қулайлик даражасига тўғридан-тўғри таъсир қилади, дея таъкидлайди.
Шунинг учун, авиакомпаниялар учун кўк рангни танлаш — бу стратегик қарор бўлиб, мижозлар қониқишини оширишга хизмат қилади. Йўловчилар учун эса бу саёҳатни бир оз хотиржам ва ёқимли қилади.
Изоҳ (0)