2024 YR4 астероиди Ой билан тўқнашиб, Ер орбитасидаги сунъий йўлдошларга хавф солувчи катта ҳажмдаги Ой жинсларини отиб чиқариши мумкин. АҚШнинг Корнелл университети олимлари шундай башорат қилмоқда, деб хабар берди CNN телеканали.
“Тўқнашув Ойда кенглиги 1 км бўлган зарба кратерини ҳосил қилиши мумкин. Бу сўнгги 5 минг йил ичидаги Ой билан энг йирик тўқнашув бўлиб, 108 кг гача Ой тошлари ва чангини отиб чиқаришига сабаб бўлиши мумкин. Ҳатто ўнлаб сантиметр катталикдаги бўлаклар ҳам Ойда бўлиши мумкин бўлган ҳар қандай астронавтлар ёки уларнинг тадқиқот ва яшаш учун қурган иншоотлари учун хавф туғдириши эҳтимоли бор”, деди Вигерт.
Унинг таъкидлашича, бу тўқнашув Ер аҳолиси учун жиддий хавф туғдирмайди. Бироқ коинотда навигация ва алоқани таъминлайдиган кўплаб сунъий йўлдошлар мавжудлиги сабабли Ой чангининг парчалари ушбу сунъий йўлдошларга зарар етказиши мумкин.
Вигертнинг қўшимча қилишича, тўқнашув 2032 йилда содир бўлиши кутилмоқда ва уни инсонлар оддий кўз билан кўра олади.
Телеканалнинг хабар беришича, дастлаб астероид Ерга йўналган ва унинг 2032 йилда сайёра билан тўқнашиш эҳтимоли юқори бўлган. Бироқ бугунги кунга келиб олимлар 2024 YR4 нинг Ердан узоқлашаётганини кузатмоқда.
Изоҳ (0)