“Тоттенҳэм” раҳбарияти янги бош мураббий Томас Франкни мавсумолди кучли таркиб билан таъминлаш мақсадида бир нечта йирик трансферларни амалга оширишни режалаштирмоқда. АS нашрининг хабарига кўра, Лондон клуби “Реал Мадрид” ҳужумчиси Родриго Гоэсни таркибга қўшиб олиш вариантини кўриб чиқмоқда.
Манбаларга кўра, “Тоттенҳэм” раҳбари Даниэль Леви ҳамда “қироллик клуби” раҳбарияти ўртасида мавжуд ва лондонликлар бундан фойдаланган ҳолда трансфер нархини пасайтиришга ҳаракат қилмоқда. Клуб Родригони 90 миллион евродан арзонроқ нархга сотиб олмоқчи.
Шунингдек, Родриго учун курашда “Тоттенҳэм” рақобатга дуч келиши мумкин. 24 ёшли бразилиялик футболчига “Ливерпуль” ҳамда “Бавария” клублари ҳам қизиқиш билдирган. Бироқ ҳозирча бу жамоалардан ҳеч бири расмий таклиф билан чиққани йўқ.
Маълумот учун, Родриго ўтган мавсумда “Реал” сафида барча мусобақалар доирасидги 54 учрашувда майдонга тушиб, 14 та гол ва 11 та голли узатмага муаллифлик қилган. Унинг клуб билан амалдаги шартномаси 2028 йил ёзигача мўлжалланган. Transfermarkt портали футболчининг бозор қийматини 90 миллион еврога баҳолаган.
Изоҳ (0)