Жорий йил январь июнь ойларида ўз фаолиятини расмийлаштириш бўйича чорвачилик ва тикувчилик касблари пешқадам бўлди. Бу ҳақда my.gov.uz хабар берди.
2025 йил дастлабки олти ойида “Ўзини ўзи банд қилиш” хизмати орқали 872 фуқаро фуқаро рўйхатдан ўтди.
Мазкур хизматдан фойдаланишда энг фаол ҳудуд Тошкент вилояти бўлган (125 минг ариза). Шу билан бирга, Қашқадарё (110 минг), Самарқанд (85 минг), Наманган (82 минг) ва Андижон (77 минг) вилоятларида ўз касбини қонунийлаштириш улуши юқори ўсган.
Ўзини ўзи банд қилишни энг кўп танлаган соҳалар қуйидагилар:
- Чорва парвариши – 159 минг киши;
- Тикувчилик – 94 минг киши;
- Қишлоқ хўжалиги ишлари – 76 минг киши;
- Йўловчи ташиш (автомобилда) – 57 минг киши;
- Томорқада ишлаш – 40 минг киши.
Хабар қилинишича, аризаларнинг 78 фоизи my.gov.uz портали орқали берилган (22 фоизи мобил иловадан)
2025 йил 1 июль ҳолатига кўра, Ўзбекистонда ўзини ўзи банд қилган шахслар сони жами 5,5 миллион нафардан ошди. Бу ўтган йилнинг мос даврига нисбатан 56 фоизга (2 миллион нафар) кўп. Бунда ўсиш кўрсаткичи энг юқори соҳа маиший хизматлар бўлган (753,1 мингта). Шунингдек, қишлоқ хўжалиги хизматлари (606,9 мингта), ишлаб чиқариш ва хизмат кўрсатиш (213,2 мингта) вакиллари нисбатан кўп рўйхатдан ўтган.
Аввалроқ Солиқ қўмитаси Ўзбекистонда жами 776,7 минг киши такси ва етказиб бериш йўналишида ўзини ўзи банд қилганини очиқлаганди.
Изоҳ (0)