Нью Йорк университети талабага диплом беришдан бош тортди. Сабаби у 14 май куни битирув нутқи сўзлаётганида Ғазодаги геноцидни қоралаган. Бу ҳақда CNN хабар берди.
“Бугун барчангизга мурожаатимда қалбимдагиларни тўкиб сочар эканман, ҳозирда Фаластинда содир бўлаётган ваҳшийликларни эслаб ўтмасликнинг иложи йўқ. АҚШ бу урушни сиёсий ва ҳарбий жиҳатдан қўллаб-қувватлаган. Бизнинг тўлаган солиқларимиз ҳам шу урушга кетмоқда”, деди Logan Розос ўзининг битирув нутқида.
Талаба биринчи марта Ғазони тилга олганида оломон орасида олқишлар янграган, баъзи университет ўқитувчилари қарсак чалишган. Ҳуштак овозлари ҳам янграган. Университет талабанинг дипломини бермай, ушлаб турганини ва интизомий чоралар кўраётганини маълум қилган.
Трамп маъмурияти фаластинпараст намойишларда қатнашаётган талабаларга қарши жазо чораларини кўриб келмоқда. 2025 йил бошида Нью Йорк университети Адлия вазирлиги томонидан “антисемитизмни бошидан кечирган” университетлар қаторига кирган.
Америка-Ислом муносабатлари кенгаши бу воқеага ижобий фикр билдириб, Нью Йорк университетини талабанинг дипломини беришга чақирди. Кенгаш бу каби интизомий чораларни Америка эркинликлари ва халқига хиёнат, деб атаган.
2024 йили Нью Йорк университетида шунга ўхшаш норозилик намойишлари ўтказилгани сабабли талабалар ва ўқитувчилар ҳибсга олиниб, уларга 180 дан ортиқ суд иши қўзғатилган.
Изоҳ (0)