Madridning “Real” klubi “Manchester Yunayted” yarim himoyachisi Bruno Fernandeshni sotib olishni rejalashtirmoqda. Bu haqida Daily Star nashriga tayanib Championat xabar bermoqda.
Manbaga ko‘ra, “qirollik klubi” 39 yoshli Luka Modrichga o‘rinbosar sifatida portugaliyalik futbolchining nomzodini ko‘rib chiqmoqda. Fernandeshning transfer qiymati taxminan 90 million funt sterling (108 million yevro) deb baholanmoqda. “Manchester Yunayted” bosh murabbiyi Ruben Amorim futbolchini saqlab qolmoqchi, biroq klub qo‘shimcha daromad olish va xarajatlarni qisqartirish maqsadida yetakchsini sotishi mumkin.
Joriy mavsumda Fernandesh barcha turnirlarda 44 o‘yinda maydonga tushib, 16 gol va 16 golli uzatma muallifiga aylangan. Uning mankunianliklar bilan shartnomasi 2027-yil yoziga qadar amal qiladi. Transfermarkt maʼlumotlariga ko‘ra, futbolchining bozor qiymati 55 million yevroni tashkil qiladi.
Maʼlumot uchun, Modrichning “Real” bilan amaldagi shartnomasi shu yozda yakunlanadi. Xorvatiyalik futbolchi klubda yana bir mavsum qolishni maqsad qilgan. Hozirda Luka va “qirollik klubi” o‘rtasida muzokara o‘tmoqda.
Izoh (0)