Saudiya Arabistonining eng kuchli klublaridan biri — “Al-Hilol” hali ham “Manchester Yunayted” sardori Brunu Fernandeshni o‘z safiga qo‘shib olish fikridan qaytmagan. Bu haqda “UtdDistrict” nashriga tayanib “Euro-football” xabar bermoqda.
Avvalroq klub portugaliyalik yarim himoyachiga foydali shartnoma taklif qilgani haqida xabar berilgandi. Biroq Fernandesh bu transferga qiziqmayotgani aytilgan.
Shunga qaramay, “UtdDistrict” nashrining Saudiya Arabistonidagi manbalariga tayanib yozishicha, “Al-Hilol” rahbariyati Brununing agentlari bilan yana bir uchrashuv o‘tkazishni rejalashtirmoqda. Unda moliyaviy shartlar, turar joy va boshqa tafsilotlar ikkinchi marta muhokama qilinadi. Agar shartlar futbolchini to‘liq qanoatlantirsa, portugaliyalik yarim himoyachini Saudiya Pro Ligasida ko‘rishimiz mumkin bo‘ladi.
Avvalroq, futbolchiga Madridning “Real” klubi ham qiziqish bildirgani haqida xabarlar tarqalgan edi.
Ma’lumot uchun, Brunu Fernandeshning “Manchester Yunayted” bilan amaldagi shartnomasi 2027-yil yozigacha mo‘ljallangan. U joriy mavsum mankunianlikar safida 51 uchrashuvda maydonga tushib, 19 ta gol hamda 18 ta assit muallifiga aylangan. Transfermarkt portali Fernandeshning qiymatini 55 million yevroga baholagan.
Izoh (0)