Англиянинг жанубий қирғоқларида денгиздан углеродни ажратиб олиш бўйича лойиҳага старт берилди. SeaCURE деб номланувчи бу кичик лойиҳага Буюк Британия ҳукумати томонидан иқлим ўзгаришига қарши курашиш вазифаси юкланмоқда.
Иқлимшунос олимлар глобал исишнинг асосий сабаби бўлган иссиқхона газларининг миқдорини камайтириш юзасида бир фикрда. Аммо кўплаб олимларнинг фикрича, аллақачон табиатга чиқарилган газларни бартараф этиш ечимнинг асосий қисимини ташкил этиши керак.
Углеродни тутиш деб номланувчи бу лойиҳалар одатда чиқиндиларни манбада ушлаб қолишга ёки уларни ҳаводан ажратиб олишга қаратилган.
SeaCURE лойиҳасининг қизиқарли томони шундаки, унда денгиздан сайёрани иситиб юбораётган CО2 ни ажратиб олишнинг тежамкорлик даражаси аниқланмоқда. Чунки углерод одатда ҳавода эмас, балки сувда кўпроқ концентрацияда учрайди.
SeaCURE денгиз сувларини CО2 дан тозалаб бу сувларни очиқ денгизга томон қайта йўналтиради.
Биринчи босқичда денгиз сувига кислота қўшилади. Бу эса денгиз сувида эриган углеродни газга айланиб CО2 кўринишида атмосферага тарқалишига туртки бўлади.
Ҳавога чиққан CО2 сўриб олинади, кейин эса кўмирга айланган кокос ёнғоғи пўчоғи ёрдамида концентрацияланади.
Кам углеродли денгиз сувига унга қўшилган кислотани нейтраллаш учун ишқор қўшилади. Кейин эса денгизга оқизилади.
Денгизга қайтгач, у дарҳол атмосферадан жадал равишда CО2 ютишни бошлайди ва иссиқхона газларини камайтиришга ўз ҳиссасини қўшади.
“Углеродни ажратиб олиш муҳим аҳамиятга эга. Тўғридан-тўғри денгиз сувидан ёки ҳаводан ажратиб олиб бартараф этиш охир-оқибат нархга боғлиқ бўлади”, дейди иқлим ўзгариши бўйича ҳукуматлараро панел аъзоси ва углеродни ушлаб қолиш бўйича эксперт доктор Оливер Геден.
SeaCURE лойиҳасини ҳукумат 3 миллион фунт стерлинг миқдорида молиялаштирди. Буюк Британияда шунга о”хшаш лойиҳалардан яна 15 та мавжуд.
Изоҳ (0)