Sobiq “Liverpul” bosh murabbiyi Yurgen Klopp “Real”ning yangi ustoziga aylanishi mumkin. Bu haqda TBR Football nashriga tayanib Sport-Express xabar bermoqda.
Manbaga ko‘ra, madridliklar Klopp nomzodini Karlo Anchelottiga ideal o‘rinbosar sifatida ko‘rib chiqmoqda. Chunki “qirollik klubi” rahbariyati nemis mutaxassisini isteʼdodli futbolchilar bilan ishlash va yoshlarni rivojlantirish qobiliyatiga ega deb hisoblamoqda.
Anchelottining “Real” bilan shartnomasi 2026-yilning yoziga qadar amal qiladi. Agar jamoa mavsum so‘nggiga qadar sovrin qo‘lga kirita olmasa, italiyalik mutaxassis ishdan ketishi mumkin.
Hozircha Klopp murabbiylik faoliyatiga qaytishga shoshilmayotgani aytilmoqda. Biroq “Real”ning taklifi uning fikrini o‘zgartirishi mumkin.
Maʼlumot uchun, 2015—2024-yillar davomida Klopp “Liverpul”ni boshqargan va jamoa bilan Angliya Premer Ligasi hamda Chempionlar Ligasi g‘olibiga aylangan. 2025-yil 1-yanvardan boshlab esa u “Red Bull” kompaniyasida faoliyat yuritib kelmoqda.
Izoh (0)