30-mart kuni Quyoshda M sinfidagi beshta chaqnash qayd etildi. Bu haqda Rossiya Amaliy geofizika instituti xabar bermoqda.
“M1.4 (S14E82) ning birinchi chaqnashi 30-mart kuni yarim tundan keyin soat 00:38 da 33 daqiqa davom etdi”, deyiladi xabarda.
Institut ma’lumotlariga ko‘ra, shu kuni yana to‘rtta chaqnash qayd etilgan — M1.4 (S14E71), M1.5 (S14E82), M1.6 (S15E71) va M1.9 (S15E88).
Barcha o‘choqlar bitta dog‘lar guruhida qayd etilgan — 4048.
Quyoshdagi chaqnashlar Yerda magnit bo‘ronlarini keltirib chiqarishi mumkin, bu esa o‘z navbatida energiya tizimlarining buzilishiga olib keladi va qushlar hamda hayvonlarning migratsiya yo‘liga ta’sir qiladi.
Kuchli bo‘ronlar qisqa to‘lqinli aloqa va navigatsiya tizimlarining ishlamay qolishiga, shuningdek, sanoat tarmoqlarida kuchlanish paydo bo‘lishiga olib keladi.
Bundan tashqari quyosh faolligining ortishi qutb yog‘dusini kuzatish geografiyasini kengaytirishi mumkin.
Magnit bo‘ronlari odamlar salomatligiga ta’sir ko‘rsatadimi yoki yo‘qmi, bu savolga hozircha aniq javob yo‘q.
28-mart kuni quyoshda darajasi — X1.1 bo‘lgan eng yuqori X darajali chaqnash qayd etilgandi.
Izoh (0)