Тармоқларда Россия аскарлари томонидан фойдаланилаётган БТР-50 зирҳли транспорт воситасининг янги суратлари пайдо бўлди. Улар орасида BPУ-1 минораси билан жиҳозланган БТР-50ПК жанговар машинаси ва БТР-50ПУ қўмондонлик вариант ҳам бор. Бунга Defence Express нашри эътибор қаратди.
Эътиборли томони, зирҳли техникалар дронларга қарши қафас кўринишидаги ҳимоя қопламалари билан “модернизация қилинган”. Маълум қилинишича, россияликлар бу каби техникаларни Донецк вилоятига жойлаштирмоқда.
Россия армияси аллақачон эскириб бўлган БТР-50 зирҳли транспорт воситаларини жанг майдонида қўллаётгани ҳақида илк хабарлар қарийб икки йил аввал, 2023 йилнинг февралида пайдо бўлган эди. Ўшанда тармоқларда мазкур техникалар фронтга олиб кетилаётгани акс этган тасвирлар тарқалган.
2023 йилнинг баҳорига келиб, россияликлар БТР-50 ни ҳаво нишонларига қарши ЗU-23-2 зенит қуроллари билан жиҳозлагани маълум бўлди.
Можародаги томонларнинг йўқотишларини визуал далиллар билан ҳисоблаб борадиган Орйх таҳлил порталига кўра, Украина армияси 2023 йилдан буён бу турдаги техникалардан жами 10 тасини сафдан чиқарган.
Қарийб 70 ёшдаги техникаларнинг жанг майдонида пайдо бўлиши Россия армияси ўз бўлинмаларини зирҳли транспорт воситалари билан таъминлашда қийинчиликларга дуч келаётганидан далолат беради.
Изоҳ (0)