Ўзбекистон бозорига кириб келиши кутилаётган iPhone 15 “Малика” бозорида сотила бошлади.
“Дарё” мухбири оддий харидор сифатида дўконларни суриштирди. Уни узоқ қидиришга ҳожат қолмади. Сабаби биринчи кирган дўкондаёқ сотувчи 4,5 минг долларга сотиб олиш мумкинлигини айтган. Сотувчилар “харидор”дан кўп бор ҳақиқатан ҳам сотиб оладими ёки йўқлигини сўраган. Агар ростан сотиб оладиган бўлса, омбордан олиб келиниши айтилган, чунки ветринада iPhone 15 йўқ эди.
Қуйидаги видеода ҳам кўришингиз мумкин: мухбир эртага сотувга чиқарилиши айтилган телефон қандай қилиб бугундан сотила бошлаганини билишга уринган. Сотувчилар телефонлардан бири бугун Дубай ва яна бири эса эртага АҚШ орқали келиши кераклигини айтган. Сотувчилар мухбир билан суҳбатда бошқа бир дўконда телефон 4500 долларга сотилганини айтиб, интернетда тарқалган маълумотни тасдиқлаган.