Германия 2021 йилда “Толибон” ҳаракати Афғонистонда ҳокимиятни яна қўлга киритганидан бери илк бор афғон фуқароларини ўз ватанларига депортация қилди.
![](/static/2024/08/30/photo_2024-08-30_16-50-23-hKw34cKb.jpg)
Германия ҳукумати вакили Штеффен Хебештрайтнинг сўзларига кўра, гап “Германияда қолиш ҳуқуқига эга бўлмаган” жиноятчилар ҳақида кетмоқда.
“Сўнгги ойларда федерал ҳукумат бундай ҳолларда қайтишни қайта тиклаш учун катта саъй-ҳаракатларни амалга оширмоқда ва бу соҳада масъул федерал штатларни қўллаб-қувватламоқда”, деб таъкидлади Хебештрайт.
Берлин жараённи осонлаштириш учун асосий минтақавий ҳамкорлар билан ишламоқда.
Der Spiegel нашрига кўра, афғонлар Qatar Airways чартер самолётида Лейпциг аэропортидан чиқариб юборилган. AFP сўровига жавобан Саксония ИИВ вакили самолёт маҳаллий вақт билан тахминан 07:00 да ҳавога кўтарилганини ва Афғонистон пойтахти Кобулга тахминан соат 12:00 да қўниши кераклигини айтган.
Маълум бўлишича депортация Қатар кўмагида амалга оширилган.
Депортация қилинганларнинг бир қисми бир кечада бир неча федерал штатлардан Лейпцигга олиб келинган. Акция Германия Ички ишлар вазирлиги томонидан ташкил этилган. Ҳар бир афғон фуқароси жўнаб кетишдан олдин 1000 евродан ёрдам пули олган.
Шунингдек, Берлин ноқонуний мигрантларни қайтариш учун учинчи давлатлар билан қўшимча миграция шартномалари тузишни режалаштирмоқда. Ҳужжатда Молдова, Қирғизистон, Ўзбекистон, Кения ва Филиппин тилга олинган.
24 август куни Золингеннинг 650 йиллигига бағишланган фестивалнинг қизғин палласида шаҳарнинг марказий майдонларидан бирида номаълум шахс пичоқ билан фестиваль иштирокчиларига ҳужум қилган эди. Уч киши ҳалок бўлди, яна саккиз киши яраланди. Ҳодиса учун жавобгарликни “ИШID” террорчилик гуруҳи ўз зиммасига олган.
Изоҳ (0)