Курск вилоятида камида 247 нафар россиялик ҳарбий асирга олинди — WP

Украина Қуролли кучлари Курск вилоятидаги ҳужум пайтида камида 247 нафар россиялик ҳарбийни асирга олди. Бу ҳақда фото ва видеоёзувлар таҳлилига асосланиб, The Washington Post хабар берди.

Журналистлар 6 августдан бошлаб украиналик ҳарбийлар эълон қилган ижтимоий тармоқлардаги видеоларни, шунингдек, асирдаги рус аскарлари сақланаётган қамоқхона суратларини ўрганиб чиқди. Россиялик ҳарбийларни оммавий равишда қўлга олишнинг иккита ҳолати қайд этилган:

1. Курск вилоятининг Сужан туманидаги Свердликово қишлоғида камида 29 нафар аскар
2. “Суджа” чегара ўтиш жойида 40 га яқин аскар асирга олинган.

Бироқ ўрганилган материаллар — бу рус асирлари билан интернетда эълон қилинган барча фотосуратлар ва видеолар эмас. Шу муносабат билан журналистлар асирга олинганларнинг ҳақиқий сони анча юқори бўлиши мумкинлигини тахмин қилмоқда.

The Washington Post, шунингдек, Украинанинг шимоли-шарқидаги асирлар олиб келинадиган қамоқхона бошлиғининг сўзларини ҳам келтиради. Унга кўра, сўнгги 10 кун ичида қамоқхонага 320 нафар россиялик олиб келинган, уларнинг қарийб 80 фоизи муддатли ҳарбий хизматчилар.

Журналистлар ўрганган еттита видеоёзувда асирлар ўзларини ҳарбий хизматга чақирилганлар деб атаган. Украина ва Россия томони Курскда асирга тушган ҳарбийлар сони бўйича расмий маълумотлар бермаган.

“115 га 115” форматида асирлар алмашиш

24 август куни Украина ва Россия Курск вилоятида биринчи марта “115 га 115” форматида ҳарбий асирларни алмашди. Киевда ҳам, Москвада ҳам озод қилинган ҳарбийлар ҳақида маълумот берилди. Украина мувофиқлаштирувчи штабининг аниқлик киритишича, озод қилинганлар орасида ҳарбий денгизчилар, чегарачилар, шунингдек, Мариуполнинг 82 нафар ҳимоячиси бор, улардан 50 нафари “Азовстал”ни ҳимоя қилган.

Украинанинг Курск вилоятига ҳужумидан икки ой олдин Россия президенти Владимир Путин ҳарбий асирлар сонини айтганди: халқаро оммавий ахборот воситалари билан мулоқот чоғида у Украинада 1348 нафар россиялик, Россияда эса 6465 нафар украиналик асирда эканини билдирганди.

“Муҳим воқеалар” нашри “Бизнинг чиқиш” ҳаракати рўйхати ва очиқ маълумотларга асосланиб, Украинада камида 19 нафар россиялик муддатли ҳарбийлар айирбошланганидан кейин асирликда қолишини ҳисоблаб чиқди. Яна 66 нафари бедарак йўқолган.

Украинанинг Курск вилоятига ҳужумидан икки ой олдин Россия президенти Владимир Путин ҳарбий асирлар сонини айтган: халқаро оммавий ахборот воситалари билан мулоқот чоғида у Украинада 1348 нафар россиялик, Россияда эса 6465 нафар украиналик асирда эканлигини айтган.