Эндиликда Тошкентда ҳаракатланадиган автобуслар тезлиги соатига 50 километрдан ошмаслиги керак бўлади.
Бундай чорадан мақсад йўловчилар хавфсизлигини яхшилаш ва бахтсиз ҳодисалар сонини камайтириш. Бу ҳақида “Тошшаҳартрансхизмат” аксионерлик жамияти хабар қилди.
![](/static/2024/08/17/avtobus3-MF06J9Jd.jpg)
“Йўловчилар хавфсизлигини таъминлаш ва йўлларда содир бўлиши мумкин бўлган фавқулодда ҳолатларни олдини олиш мақсадида, “Тошшаҳартрансхизмат” АЖнинг тасарруфидаги барча автобуслар, “Тошавтотаъмирхизмат” УК сервис хизмати ходимлари томонидан автобус ҳайдовчилари бошқарув вақтида тезликни оширмасликлари учун махсус дастур орқали тезликлари 50 км соат билан чегараланмоқда”, дейилади хабарда.
Шунингдек, автобус ойналарига чекланган тезлик 50 км/соат эканини билдирувчи белгилар ёпиштирилиши маълум қилинди.
Ҳозирда шаҳарлар ҳудудида рухсат этилган максимал тезлик 60 км/соат ҳисобланади.
Аввалроқ Тошкент шаҳар ИИББ Йўл ҳаракати хизмати бошқармасининг тартибга солинмаган пиёдалар ўтиш жойидан ўтаётганда — пиёдалар ўнг ёки чап қўлларини баланд кўтаришлари кераклиги ҳақидаги тавсияси жамоатчилик орасида муҳокамаларга сабаб бўлганди.
Изоҳ (0)