Fransiyaning Parij shahrida yozgi Olimpiada o‘yinlari o‘z yakuniga yetdi.
Barcha musobaqalardan so‘ng jadvalning yuqori qismi quyidagicha ko‘rinish olgan:
Musobaqalarning so‘nggi kunida Xitoy yetakchilikni bermay kelayotgan edi. Yakunda AQSH yana ikki medal olib oltin medallar sonini tenglashtirdi. Amerikaliklar kumush medallar evaziga Xitoyni ortda qoldirib, yetakchilikni qo‘lga kiritdi.
O‘zbekiston ham o‘zining eng yaxshi natijasini qayd etdi. Sportchilar so‘nggi kunda ishonchli harakat qilib, 3 ta oltin, 2 ta kumush medalni qo‘lga kiritdi.
O‘zbekiston delegatsiyasi tarkibida dastlabki uch medalni ham dzyudochilar qo‘lga kiritdi. Diyora Keldiyorova oltin medal, Muzaffar To‘raboyev hamda Alisher Yusupov bronza medal sohibiga aylandi.
8-avgust kungi bahslarda taekvondochi Ulug‘bek Rashitov hamda bokschi Hasanboy Do‘stmatov oltin medalni qo‘lga kiritdi.
9-avgust kungi dasturda esa erkin kurashchi G‘ulomjon G‘aybullayev bronza, bokschilar Lazizbek Mullajonov hamda Asadxo‘ja Mo‘ydinxo‘jayev esa oltin medallarga ega chiqdi.
10-avgust kuni bokschilar Bahodir Jalolov, Abdumalik Halokov, erkin kurashchi Razambek Jamalov oltin medalni qo‘lga kiritdi hamda taekvondochi Svetlana Osipova, og‘ir atletikachi Akbar Jo‘rayev kumush medalni qo‘lga kiritdi.
Shunday qilib O‘zbekiston 8 ta oltin, 2 ta kumush va 3 ta bronza medalini qo‘lga kiritgan holda mamlakat tarixidagi eng yaxshi natijasini qayd etdi.
Izoh (0)