Тошкент шаҳрида вақтинча яшовчи хитой фуқароси 29 ёшли Н.Ш. ички ишлар органига мурожаат қилиб, банк пластик картасидан қарийб 110 млн сўм пули номаълум шахс томонидан фирибгарлик йўли билан ўзлаштирилганлигини маълум қилган. Бу ҳақда Киберхавфсизлик маркази хабар берди.
Маълум қилинишича, ўтказилган тезкор-қидирув тадбирлари натижасида, мазкур жиноятни Тошкент шаҳрида яшовчи Х.Р. содир этганлиги аниқланган.
Унга кўра, гумонланувчи Х.Р. жабрланувчи Н.Ш. билан телефон орқали танишиб, унга Click’дан қўнғироқ қилаётгани, банк пластик картасига киберҳужум бўлаётганини айтиб, жабрланувчини алдаб, банк пластик картаси маълумотларини қўлга киритган. Картадаги 110 сўм 055 минг 922 сўмни ўзининг фойдаланувида бўлган банк пластик картасига ўтказиб, ўз эҳтиёжларига сарфлаб юборган.
Мазкур ҳолат юзасидан Х.Р.га нисбатан Жиноят кодексининг 169-моддаси (ўғирлик) 3-қисми “б” банди билан жиноят иши қўзғатилди.
Изоҳ (0)