Қозоғистонда суд ижрочиси иштирокисиз ижро ишини юритадиган “Робот” пилот лойиҳаси амалга оширилади. Тез орада бу тизимдан ҳудудлар бўйлаб фойдаланилади. Бу ҳақда Tengrinews хабар берди.
“Бу фуқароларни комиссия тўлашдан озод қилади ва тахминан 2 миллиард тенге (4 миллион доллардан зиёд) тежаш имконини беради. Август ойида лойиҳани бутун мамлакат бўйлаб кенгайтириш режалаштирилган”, дейилади Адлия вазирлиги хабарида.
Шунингдек, вазирлик энди нотижорат ташкилотларни регистрация қилиш тўлиқ eGov порталида амалга оширилишини маълум қилди. Порталда таъсисчилар томонидан юридик шахс раҳбарини ўзгартириш мумкин, бу ҳам анча осонлашди.
Аввалроқ Қозоғистонда деҳқончиликка кўмаклашувчи сунъий интеллектга эга қайчили робот патентланиши маълум бўлганди. У дала ишларида кўчатлар орасидаги бегона ўтларни “юлиш” — йўқ қилиш билан шуғулланади.
“Ўткирланган ва сунъий интеллект томонидан бошқариладиган қайчилари ёрдамида робот барча бегона ўтларнинг илдизларини кесиш орқали уларни йўқ қилади. Ҳимоя зонасида жойлашган ўсимликлар эса кесилмай қолади”, деган эди Адлия вазирлигининг расмий вакили Талгат Уали.
Изоҳ (0)