Qozog‘istonda sud ijrochisi ishtirokisiz ijro ishini yuritadigan “Robot” pilot loyihasi amalga oshiriladi. Tez orada bu tizimdan hududlar bo‘ylab foydalaniladi. Bu haqda Tengrinews xabar berdi.
“Bu fuqarolarni komissiya to‘lashdan ozod qiladi va taxminan 2 milliard tenge (4 million dollardan ziyod) tejash imkonini beradi. Avgust oyida loyihani butun mamlakat bo‘ylab kengaytirish rejalashtirilgan”, deyiladi Adliya vazirligi xabarida.
Shuningdek, vazirlik endi notijorat tashkilotlarni registratsiya qilish to‘liq eGov portalida amalga oshirilishini ma’lum qildi. Portalda ta’sischilar tomonidan yuridik shaxs rahbarini o‘zgartirish mumkin, bu ham ancha osonlashdi.
Avvalroq Qozog‘istonda dehqonchilikka ko‘maklashuvchi sun’iy intellektga ega qaychili robot patentlanishi ma’lum bo‘lgandi. U dala ishlarida ko‘chatlar orasidagi begona o‘tlarni “yulish” — yo‘q qilish bilan shug‘ullanadi.
“O‘tkirlangan va sun’iy intellekt tomonidan boshqariladigan qaychilari yordamida robot barcha begona o‘tlarning ildizlarini kesish orqali ularni yo‘q qiladi. Himoya zonasida joylashgan o‘simliklar esa kesilmay qoladi”, degan edi Adliya vazirligining rasmiy vakili Talgat Uali.
Izoh (0)